នាព្រឹកថ្ងៃពុធ ១២រោច ខែភទ្របទ ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី១១ ខែតុលា ឆ្នាំ២០២៣ ឯកឧត្តមកិត្តិនីតិកោសលបណ្ឌិត អុឹម ឈុនលឹម ប្រធានក្រុមប្រឹក្សាធម្មនុញ្ញ និងលោកជំទាវ បានដឹកនាំមន្ត្រីរាជការនៃអគ្គលេខាធិការដ្ឋានក្រុមប្រឹក្សាធម្មនុញ្ញ ចូលរួមពិធីកាន់បិណ្ឌទី១២ នៅវត្តសន្ធរវង្ស ហៅវត្តក្រចេះក្រុង ស្ថិតក្នុងក្រុងក្រចេះ ខេត្តក្រចេះ ដោយបាននាំយកទេយ្យទាន រួមមាន អង្ករ មី ត្រីខកំប៉ុង ទឹកសុទ្ធ តែ ស្ករស ទឹកត្រី ទឹកសុីអុីវ ប្រេងឆា អំបិល ប៊ីចេង សៀង ឆៃប៉ូវ និងថវិកាសម្រាប់ចតុបច្ច័យ វេរប្រគេនព្រះសង្ឃគង់ចាំព្រះវស្សា និងជូនដូនជី តាជី និងពុទ្ធិកយុវជន។ គូសបញ្ជាក់ផងដែរថា នៅក្នុងពិធីខាងលើ មានការអញ្ជើញចូលរួមពីឯកឧត្តម អភិបាលខេត្ត លោក លោកស្រី អភិបាលរងខេត្ត មន្ត្រីរាជការជុំវិញខេត្ត តាអាចារ្យ យាយជី និងប្រជាពលរដ្ឋចំណុះជើងវត្តខាងលើយ៉ាងច្រើនកុះករ។