នៅព្រឹកថ្ងៃពុធ ១៤កើត ខែមិគសិរ ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី០៧ ខែធ្នូ ឆ្នាំ២០២២ ចាប់ពីម៉ោង ០៩:០០នាទី នៅអគារ ស វិមានរដ្ឋចំការមន ក្រុមប្រឹក្សាធម្មនុញ្ញបានបើកកិច្ចប្រជុំពេញអង្គក្រោមអធិបតីភាពដ៏ខ្ពង់ខ្ពស់ឯកឧត្តមកិត្តិនីតិកោសលបណ្ឌិត អុឹម ឈុនលឹម ប្រធានក្រុមប្រឹក្សាធម្មនុញ្ញ ដើម្បីពិនិត្យនិងសម្រេចសំណើរបស់ឯកឧត្តមកិត្តិសេដ្ឋាបណ្ឌិត ជាម យៀប ប្រធានរដ្ឋសភាស្ដីទី ស្នើសុំពិនិត្យធម្មនុញ្ញភាពវិសោធនកម្មប្រការ ២ថ្មី(ពីរ) ប្រការ ៥ថ្មី(ពីរ) ប្រការ ១០ថ្មី(បី) ប្រការ ១៦ និងប្រការ ៣៥ថ្មី នៃបទបញ្ជាផ្ទៃក្នុងនៃរដ្ឋសភា នៃព្រះរាជាណាចក្រកម្ពុជា ។ ជាលទ្ធផលនៃកិច្ចប្រជុំ : ក្រុមប្រឹក្សាធម្មនុញ្ញបានសម្រេចជាឯកច្ឆ័នដោយចំនួន ០៩ សំឡេង នៃសមាជិកក្រុមប្រឹក្សាធម្មនុញ្ញទាំងមូលថា វិសោធនកម្មប្រការ ២ថ្មី(ពីរ) ប្រការ ៥ថ្មី(ពីរ) ប្រការ ១០ថ្មី(បី) ប្រការ ១៦ និងប្រការ ៣៥ថ្មី នៃបទបញ្ជាផ្ទៃក្នុងនៃរដ្ឋសភា នៃព្រះរាជាណាចក្រកម្ពុជា ស្របនឹងរដ្ឋធម្មនុញ្ញ ។
07 ធ្នូ 2022