សេចក្តីប្រកាសព័ត៌មាន លេខៈ ៥៧/២០២០ អ.កបធ.សជណ ចុះថ្ងៃសុក្រ ១១កើត ខែបុស្ស ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី២៥ ខែធ្នូ ឆ្នាំ២០២០

25 ធ្នូ 2020

អគ្គលេខាធិការនៃក្រុមប្រឹក្សាធម្មនុញ្ញ មានកិត្តិយសសូមជម្រាបជូនសាធារណជនជ្រាបថា នៅព្រឹកថ្ងៃសុក្រ ១១កើត ខែបុស្ស ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី២៥ ខែធ្នូ ឆ្នាំ២០២០ចាប់ពីម៉ោង ០៨និង៣០នាទី នៅអគារ «ស» វិមានរដ្ឋចំការមន ក្រុមប្រឹក្សាជំនុំជម្រះនៃក្រុមប្រឹក្សាធម្មនុញ្ញដែលមានឯកឧត្តមកិត្តិនីតិកោសលបណ្ឌិត អ៊ឹម ឈុនលឹម ប្រធានក្រុមប្រឹក្សាធម្មនុញ្ញ និងជាប្រធានក្រុមប្រឹក្សាជំនុំជម្រះបានបើកសវនាការជាសាធារណៈ ដើម្បីពិនិត្យ និង សម្រេចលើបណ្តឹងចំនួន ៤៤ គឺសំណុំរឿងលេខ៤១៤/០៥៦/២០២០ ដល់លេខ៤៥៧/០៩៩/២០២០ ដែលជាបណ្តឹងរបស់ប្រជាពលរដ្ឋ(១រូប) និងជា បណ្តឹងរបស់សមាជិក និងភ្នាក់ងារគណបក្សសម្ព័ន្ធដើម្បីប្រជាធិបតេយ្យ ប្តឹងតវ៉ានឹងសេចក្តីសម្រេចរបស់គណៈកម្មាធិការជាតិរៀបចំការបោះឆ្នោត ដោយប្តឹងសុំលុបឈ្មោះប្រជាពលរដ្ឋចំនួន ១១២៣រូប ចេញពីបញ្ជីបោះឆ្នោតដំបូង។

Download