នៅព្រឹកថ្ងៃសុក្រ ៧រោច ខែជេស្ឋ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី២៨ ខែមិថុនា ឆ្នាំ២០២៤ នៅវិមានរដ្ឋធម្មនុញ្ញ នៃសួនច្បារប៉ែកខាងលិច នៃវិមានឯករាជ្យ រាជធានីភ្នំពេញ ឯកឧត្តម ម៉េង ផល្លា អគ្គនាយករដ្ឋបាល-ហិរញ្ញកិច្ច នៃអគ្គលេខាធិការដ្ឋានក្រុមប្រឹក្សាធម្មនុញ្ញ បានអញ្ជើញដឹកនាំក្នុងកិច្ចប្រជុំត្រួតពិនិត្យ និងប្រគល់-ទទួលនូវការងារសាងសង់វិមានរដ្ឋធម្មនុញ្ញធ្វើអំពីបេតុងអាមេ លោហធាតុស្ពាន់សុទ្ធ និងថ្មភក់ ទំហំ៩,៦មx ៩,៦ម កម្ពស់ ១៩ ម៉ែត្រ និងសួនច្បារ នៅលើទីតាំងផ្នែកកណ្តាល នៃសួនច្បារប៉ែកខាងលិច នៃវិមានឯករាជ្យ រាជធានីភ្នំពេញ សម្រាប់ដំណាក់កាលនៃការអនុវត្តការងារសម្រេចលទ្ធផលបាន ៥០% នៃគម្រោងការងារទាំងមូល ដោយមានការអញ្ជើញចូលរួមពីតំណាងអង្គភាពលទ្ធកម្ម និងអង្គភាពសំណង់នៃអគ្គលេខាធិការដ្ឋានក្រុមប្រឹក្សាធម្មនុញ្ញ និងតំណាងក្រសួងសេដ្ឋកិច្ចនិងហិរញ្ញវត្ថុ។
28 មិថុនា 2024