សេចក្តីប្រកាសព័ត៌មានលេខ ៩៦/២០១៨ អ.កបធ ចុះថ្ងៃសុក្រ ០៦រោច ខែមិគសិរ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី២៨ ខែធ្នូ ឆ្នាំ២០១៨

ក្រុមប្រឹក្សាធម្មនុញ្ញបានបើកកិច្ចប្រជុំពេញអង្គ ដើម្បីពិនិត្យ និងសម្រេចលើសំណើរបស់ សម្តេចអគ្គមហាពញាចក្រី ហេង សំរិន ប្រធានរដ្ឋសភា ស្នើសុំពិនិត្យធម្មនុញ្ញភាពច្បាប់ស្តីពីវិសោធនកម្មមាត្រា ៤៥ ថ្មី (ស្ទួន) នៃច្បាប់ស្តីពីគណបក្សនយោបាយ ។ ជាលទ្ធផលនៃកិច្ចប្រជុំ ក្រុមប្រឹក្សាធម្មនុញ្ញបានអនុម័ត ជាឯកច្ឆន្ទដោយចំនួន ០៨ សំឡេងនៃចំនួនសមាជិកក្រុមប្រឹក្សាធម្មនុញ្ញទាំងមូល (អវត្តមាន ១អង្គ ដោយមូលហេតុប្រឈួន ) ថាស្របនឹងរដ្ឋធម្មនុញ្ញ។

អគ្គលេខាធិការនៃក្រុមប្រឹក្សាធម្មនុញ្ញ មានកិត្តិយសសូមជម្រាបជូនសាធារណជនមេត្តាជ្រាបថា

នៅថ្ងៃទី២៨ ខែធ្នូ ឆ្នាំ២០១៨ ក្រុមប្រឹក្សាធម្មនុញ្ញនឹងបើកកិច្ចប្រជុំពេញអង្គ ដើម្បីពិនិត្យ និងសម្រេចលើសំណើរបស់សម្តេចអគ្គមហាពញាចក្រី ហេង សំរិន ប្រធានរដ្ឋសភា ស្នើសុំពិនិត្យធម្មនុញ្ញភាពច្បាប់ស្តីពីវិសោធនកម្មមាត្រា ៤៥ ថ្មី (ស្ទួន) នៃច្បាប់ស្តីពីគណបក្សនយោបាយ

អគ្គលេខាធិការដ្ឋានក្រុមប្រឹក្សាធម្មនុញ្ញ សូមជូនដំណឹងដល់សាធារណជនឲ្យបានជ្រាបថា

ឯកឧត្តម ព្រហ្ម ញាណវិចិត្រ អតីតសមាជិកក្រុមប្រឹក្សាធម្មនុញ្ញ បានទទួលមរណភាពនៅថ្ងៃអង្គារ ១២រោច ខែកត្តិក ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី០៤ ខែធ្នូ ឆ្នាំ២០១៨ វេលាម៉ោង ០២:២៥ នាទីទៀបភ្លឺ ក្នុងជន្មាយុ ៧៤ឆ្នាំ ដោយរោគាពាធ។ សពតម្កល់ធ្វើបុណ្យតាមប្រពៃណីព្រះពុទ្ធសាសនា នៅគេហដ្ឋាន ផ្ទះលេខ១ ផ្លូវលេខ៣៥២ សង្កាត់បឹងកេងកង១ ខណ្ឌចំការមន រាជធានីភ្នំពេញ។

សេចក្តីប្រកាសព័ត៌មានលេខ ៧១/២០១៨ អ.កបធ.សជណ ចុះថ្ងៃចន្ទ ០៨រោច ខែភទ្របទ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី០២ ខែតុលា ឆ្នាំ២០១៨

នៅល្ងាចថ្ងៃអង្គារ ទី០២ ខែតុលា ឆ្នាំ២០១៨ ឯកឧត្តម អ៊ឹម ឈុនលឹម ប្រធានក្រុមប្រឹក្សាធម្មនុញ្ញនៃព្រះរាជាណាចក្រកម្ពុជា បានដឹកនាំគណៈប្រតិភូក្រុមប្រឹក្សាធម្មនុញ្ញ ទៅចូលរួមពិធីអបអរសាទរខួបទី៦០ នៃការបង្កើតរដ្ឋធម្មនុញ្ញបារាំង នៅទីក្រុងប៉ារីស ដែលនឹងប្រព្រឹត្តទៅនៅ ថ្ងៃទី០៤ ខែតុលា ឆ្នាំ២០១៨ តាមការអញ្ជើញរបស់លោក Laurent Fabius ប្រធានក្រុមប្រឹក្សាធម្មនុញ្ញនៃសាធារណរដ្ឋបារាំង

សេចក្តីប្រកាសព័ត៌មានលេខ ៦១/២០១៨ អ.កបធ.សជណ ចុះថ្ងៃពុធ ០៤កើត ខែស្រាពណ៍ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី១៥ ខែសីហា ឆ្នាំ២០១៨

ស្តីពីលទ្ធផលនៃសវនាការជំនុំជម្រះលើ សំណុំរឿងលេខ ៣៥៤/០០៥/២០១៨ ចុះថ្ងៃទី១០ ខែសីហា ឆ្នាំ២០១៨ ស្តីពីបណ្តឹងរបស់មេធាវី សំ សុគង់ តំណាងឲ្យឈ្មោះ ជា ជីវ ឈ្មោះ ថោង សារឿន និងឈ្មោះ គ្រុយ គឹមសាំង ដែលប្តឹងជំទាស់នឹងសេចក្តីសម្រេចលេខ ០០៩ គជប.សសរ ចុះថ្ងៃទី០៨ ខែសីហា ឆ្នាំ២០១៨ របស់គណៈកម្មាធិការជាតិរៀបចំការបោះឆ្នោត

សេចក្តីប្រកាសព័ត៌មានលេខ ៥៩/២០១៨ អ.កបធ.សជណ ចុះថ្ងៃសៅរ៍ ១៥រោច ខែទុតិយាសាឍ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី១១ ខែសីហា ឆ្នាំ២០១៨

ក្រុមប្រឹក្សាធម្មនុញ្ញនឹងបើកសវនាការជំនុំជម្រះជាសាធារណៈ នៅថ្ងៃពុធ ៤កើត ខែស្រាពណ៍ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី១៥ ខែសីហា ឆ្នាំ២០១៨ ចាប់ពីម៉ោង ០៨:៣០នាទី នៅអគារ “ស” វិមានរដ្ឋចំការមន ដើម្បីពិនិត្យ និងសម្រេចលើសំណុំរឿងលេខ ៣៥៤/០០៥/២០១៨ ចុះថ្ងៃទី១០ខែសីហា ឆ្នាំ២០១៨ ស្តីពីបណ្តឹងរបស់មេធាវី សំ សុគង់ តំណាងឲ្យឈ្មោះ ជា ជីវ ឈ្មោះ ថោង សារឿន និងឈ្មោះ គ្រុយ គឹមសាំង ដែលប្តឹងជំទាស់នឹងសេចក្តីសម្រេចលេខ ០០៩ គជប.សសរ ចុះថ្ងៃទី០៨ ខែសីហា ឆ្នាំ២០១៨ របស់គណៈកម្មាធិការជាតិរៀបចំការបោះឆ្នោត

សេចក្តីប្រកាសព័ត៌មានលេខ ៥៤/២០១៨ អ.កបធ.សជណ ចុះថ្ងៃព្រហស្បតិ៍ ៨រោច ខែបឋមសាឍ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី០៥ ខែកក្កដា ឆ្នាំ២០១៨

អគ្គលេខាធិការដ្ឋាននៃក្រុមប្រឹក្សាធម្មនុញ្ញនឹងរៀបចំពិធី “ផ្សព្វផ្សាយអំពីសមត្ថកិច្ចរបស់ក្រុមប្រឹក្សាធម្មនុញ្ញ ក្នុងការដោះស្រាយវិវាទកម្មទាក់ទងនឹងការបោះឆ្នោតជ្រើសតាំងតំណាងរាស្ត្រ នីតិកាលទី៦” នៅថ្ងៃព្រហស្បតិ៍ ១៥រោច ខែបឋមាសាឍ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី១២ ខែកក្កដា ឆ្នាំ២០១៨ ចាប់ពីម៉ោង ៨:៣០នាទី នៅសាលប្រជុំក្រុមប្រឹក្សាធម្មនុញ្ញ អគារ “ស” វិមានរដ្ឋចំការមន

សេចក្តីប្រកាសព័ត៌មានលេខ ៤៦/២០១៨ អ.កបធ.សជណ ចុះថ្ងៃព្រហស្បតិ៍ ៩កើត ខែបឋមាសាឍ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី២១ ខែមិថុនា ឆ្នាំ២០១៨

ក្រុមប្រឹក្សាធម្មនុញ្ញនឹងបើកកិច្ចប្រជុំពេញអង្គនៅថ្ងៃអង្គារ ១៤កើត ខែបឋមាសាឍ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី២៦ ខែមិថុនា ឆ្នាំ២០១៨ ចាប់ពីម៉ោង ០៨:៣០នាទី ដើម្បីពិនិត្យ និងសម្រេចលើសំណើរបស់សម្តេចអគ្គមហាពញាចក្រី ហេង សំរិន ប្រធានរដ្ឋសភា សើ្នសុំពិនិត្យធម្មនុញ្ញភាពច្បាប់ស្តីពីប្រាក់ឈ្នួលអប្បបរមា

សេចក្តីប្រកាសព័ត៌មានលេខ ៤៤/២០១៨ អ.កបធ.សជណ ចុះថ្ងៃសុក្រ ៣កើត ខែ បឋមាសាឍ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី១៥ ខែមិថុនា ឆ្នាំ២០១៨

ក្រុមប្រឹក្សាធម្មនុញ្ញបានបើកកិច្ចប្រជុំពេញអង្គ ដើម្បីពិនិត្យ និងសម្រេច សំណើរបស់សម្តេចអគ្គមហាពញាចក្រី ហេង សំរិន ប្រធានរដ្ឋសភា ស្នើសុំពិនិត្យធម្មនុញ្ញភាពច្បាប់ស្តីពីការរៀបចំ និងការប្រព្រឹត្តទៅនៃគណៈរដ្ឋមន្ត្រី។ ជាលទ្ធផល ក្រុមប្រឹក្សាធម្មនុញ្ញបានអនុម័តជាឯកច្ឆន្ទ ថាច្បាប់ស្តីពីការរៀបចំ និងការប្រព្រឹត្តទៅនៃគណៈរដ្ឋមន្ត្រី ស្របនឹងរដ្ឋធម្មនុញ្ញ (សេចក្តីសម្រេចលេខ ១៩៤/០០២/២០១៨ កបធ.ច ចុះថ្ងៃទី១៥ ខែមិថុនា ឆ្នាំ២០១៨)

សេចក្តីប្រកាសព័ត៌មានលេខ ១៩/២០១៨ អ.កបធ.សជណ ចុះថ្ងៃសុក្រ ១រោច ខែផល្គុន ឆ្នាំរកា នព្វស័ក ព.ស.​២៥៦១ ត្រូវនឹងថ្ងៃទី០២ ខែមីនា ឆ្នាំ២០១៨

អគ្គលេខាធិការនៃក្រុមប្រឹក្សាធម្មនុញ្ញ មានកិត្តិយសសូមទូលថ្វាយ និងជម្រាបជូនសាធារណជនព្រះមេត្តានិងមេត្តាជ្រាបថា ឯកឧត្តម អ៊ឹម ឈុនលឹម ប្រធានក្រុមប្រឹក្សាធម្មនុញ្ញនៃព្រះរាជាណាចក្រកម្ពុជា នឹងដឹកនាំគណៈប្រតិភូក្រុមប្រឹក្សាធម្មនុញ្ញ ទៅចូលរួមប្រជុំការិយាល័យប្រចាំឆ្នាំរបស់សមាគមតុលាការធម្មនុញ្ញដែលប្រើប្រាស់ភាសាបារាំង(ACCPUF) នៅទីក្រុងឡូស៊ែន សហព័ន្ធស្វីស ចាប់ពីថ្ងៃទី០៨ ដល់ថ្ងៃទី០៩ ខែមីនា ឆ្នាំ២០១៨។

សេចក្តីប្រកាសព័ត៌មានលេខ ១៨/២០១៨ អ.កបធ.សជណ ចុះថ្ងៃសុក្រ ១រោច ខែផល្គុន ឆ្នាំរកា នព្វស័ក ព.ស.​២០១៨ ត្រូវនឹងថ្ងៃទី០២ ខែមីនា ឆ្នាំ២០១៨

អគ្គលេខាធិការនៃក្រុមប្រឹក្សាធម្មនុញ្ញ មានកិត្តិយសសូមជម្រាបជូនសាធារណជនជ្រាបថា បន្ទាប់ពីការប្រកាសលទ្ធផលបណ្តោះអាសន្ន នៃការបោះឆ្នោតជ្រើសតាំងសមាជិកព្រឹទ្ធសភានីតិកាលទី៤ របស់គណៈកម្មាធិការជាតិរៀបចំការបោះឆ្នោត រហូតដល់ថ្ងៃទី០២ ខែមីនា ឆ្នាំ២០១៨ អគ្គលេខាធិការដ្ឋានក្រុមប្រឹក្សាធម្មនុញ្ញមិនបានទទួលពាក្យបណ្តឹងរបស់គណបក្សនយោបាយ ដែលប្តឹងតវ៉ាអំពីលទ្ធផលមួយផ្នែក ឬលទ្ធផលទាំងអស់នៃការបោះឆ្នោតនេះទេ។

សេចក្តីប្រកាសព័ត៌មាន ១៧/២០១៨ អ.កបធ.សជណ ចុះថ្ងៃទី២៨ ខែកុម្ភៈ ឆ្នាំ២០១៨

ស្តីពីកិច្ចប្រជុំពេញអង្គរបស់ក្រុមប្រឹក្សាធម្មនុញ្ញ ដើម្បីពិនិត្យ និង សម្រេចលើរបៀបវារៈ៖ ១. សំណើរបស់សម្តេចអគ្គមហាពញាចក្រី ហេង សំរិន ប្រធានរដ្ឋសភាស្នើសុំពិនិត្យធម្មនុញ្ញភាពច្បាប់ស្តីពីវិសោធនកម្ម មាត្រា២៦ មាត្រា២៧ថ្មី មាត្រា២៨ មាត្រា៣១ និង មាត្រា៣២ នៃច្បាប់ស្តីពីការរៀបចំនិងការប្រព្រឹត្តទៅនៃក្រុមប្រឹក្សាធម្មនុញ្ញ ២. បញ្ហាផ្សេងៗ

សេចក្តីប្រកាសព័ត៌មាន ១៥/២០១៨ អ.កបធ.សជណ ចុះថ្ងៃទី២៦ ខែកុម្ភៈ ឆ្នាំ២០១៨

ក្រុមប្រឹក្សាធម្មនុញ្ញនឹងបើកកិច្ចប្រជុំពេញអង្គ ដើម្បីពិនិត្យ និង សម្រេច៖ ១. សំណើរបស់សម្តេចអគ្គមហាពញាចក្រី ហេង សំរិន ប្រធានរដ្ឋសភាស្នើសុំពិនិត្យធម្មនុញ្ញភាពច្បាប់ស្តីពីវិសោធនកម្ម មាត្រា២៦ មាត្រា២៧ ថ្មី មាត្រា២៨ មាតា្រ៣១ និង មាត្រា៣២ នៃច្បាប់ស្តីពីការរៀបចំ និង ការប្រព្រឹត្តទៅនៃក្រុមប្រឹក្សាធម្មនុញ្ញ ២. បញ្ហាផ្សេងៗ

សេចក្តីប្រកាសព័ត៌មានស្តីពីកិច្ចប្រជុំពេញអង្គរបស់ក្រុមប្រឹក្សាធម្មនុញ្ញ ចុះថ្ងៃទី០៧ ខែកុម្ភៈ ឆ្នាំ២០១៨

នៅថ្ងៃទី០៧ ខែកុម្ភៈ ឆ្នាំ២០១៨ ចាប់ពីម៉ោង ១០:០០ ព្រឹក នៅសាលប្រជុំអគារ "ស" វិមានរដ្ឋចំការមន ក្រុមប្រឹក្សាធម្មនុញ្ញបានបើកកិច្ចប្រជុំពេញអង្គ ដើម្បីពិនិត្យ និងសម្រេចលើរបៀបវារៈ ៖ ១. ចុតហ្មាយមតិរបស់ក្រុមប្រឹក្សាធម្មនុញ្ញទូលថ្វាយព្រះមហាក្សត្រនៃព្រះរាជាណាចក្រកម្ពុជាស្តីពីការស្នើសុំធ្វើវិសោធនកម្ម មាត្រា៣៤ថ្មី មាត្រា៤២ មាត្រា៤៩ មាត្រា៥៣ និង មាត្រា១១៨ថ្មី នៃរដ្ឋធម្មនុញ្ញនៃព្រះរាជាណាចក្រកម្ពុជា។ ២. បញ្ហាផ្សេងៗ

សេចក្តីប្រកាសព័ត៌មាន ចុះថ្ងៃទី០៥ ខែកុម្ភៈ ឆ្នាំ២០១៨

ក្រុមប្រឹក្សាធម្មនុញ្ញនឹងបើកកិច្ចប្រជុំពេញអង្គ ដើម្បីពិនិត្យនិងសម្រេច ស្តីពីការស្នើសុំធ្វើវិសោធនកម្មរដ្ឋធម្មនុញ្ញនៃព្រះរាជាណាចក្រកម្ពុជា មាត្រា៣៤ថ្មី មាត្រា៤២ មាត្រា៤៩ មាត្រា៥៣ និង មាត្រា១១៨ថ្មី