នាព្រឹកថ្ងៃសៅរ៍ ១១រោច ខែភទ្របទ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី២៨ ខែកញ្ញា​ ឆ្នាំ២០២៤ ​ឯកឧត្តមកិត្តិនីតិកោសលបណ្ឌិត អុឹម ឈុនលឹម ប្រធានក្រុមប្រឹក្សាធម្មនុញ្ញ និងលោកជំទាវ បានដឹកនាំគណៈប្រតិភូក្រុមប្រឹក្សាធម្មនុញ្ញ​ អញ្ជើញចូលរួមពិធីកាន់បិណ្ឌ១១ នៅវត្តស្រះកែវមុនីវណ្ណ​ ហៅវត្តលេី​ និងវត្តខត្តិយារាម​ ហៅវត្តកណ្តាល ស្ថិតក្នុងក្រុងស្ទឹងត្រែង​ ខេត្តស្ទឹងត្រែង ដោយបាននាំយកទេយ្យទាន និងថវិកាសម្រាប់ចតុបច្ច័យ​វេរប្រគេនព្រះសង្ឃគង់ចាំព្រះវស្សា និងជូនដូនជី តាជី និងពុទ្ធិកយុវជន។ គូសបញ្ជាក់ផងដែរថា នៅក្នុងពិធីខាងលើ មានការអញ្ជើញចូលរួមពីឯកឧត្តមប្រធានក្រុមប្រឹក្សាខេត្ត ឯកឧត្តមអភិបាលខេត្ត លោក លោកស្រី អភិបាលរងខេត្ត មន្ត្រីរាជការជុំវិញខេត្ត តាអាចារ្យ យាយជី និងប្រជាពលរដ្ឋចំណុះជើងវត្តទាំងពីរខាងលើ។
28 កញ្ញា 2024