នាព្រឹកថ្ងៃសុក្រ​ ១០រោច ខែភទ្របទ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី២៧​ ខែកញ្ញា​ ឆ្នាំ២០២៤ ​ឯកឧត្តមកិត្តិនីតិកោសលបណ្ឌិត អុឹម ឈុនលឹម ប្រធានក្រុមប្រឹក្សាធម្មនុញ្ញ និងលោកជំទាវ បានដឹកនាំគណៈប្រតិភូក្រុមប្រឹក្សាធម្មនុញ្ញ​ បានអញ្ជើញចូលរួមពិធីកាន់បិណ្ឌ១០ នៅវត្តសន្ធរវង្ស​ ហៅវត្តក្រចេះក្រុង ស្ថិតក្នុងក្រុងក្រចេះ ខេត្តក្រចេះ​ ដោយបាននាំយកទេយ្យទាន និងថវិកាសម្រាប់ចតុបច្ច័យ​វេរប្រគេនព្រះសង្ឃគង់ចាំព្រះវស្សា និងជូនដូនជី តាជី និងពុទ្ធិកយុវជន។ គូសបញ្ជាក់ផងដែរថា នៅក្នុងពិធីខាងលើ មានការអញ្ជើញចូលរួមពីឯកឧត្តម​សមាជិករដ្ឋសភា​ អតីតសមាជិករដ្ឋសភា​ ព្រឹទ្ធសភា​ លោក លោកស្រី អភិបាលរងខេត្ត មន្ត្រីរាជការជុំវិញខេត្ត តាអាចារ្យ យាយជី និងប្រជាពលរដ្ឋចំណុះជើងវត្តខាងលើ។
27 កញ្ញា 2024