នាព្រឹកថ្ងៃព្រហស្បតិ៍ ៥កើត ខែមិគសិរ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី០៥ ខែធ្នូ ឆ្នាំ២០២៤ ឯកឧត្តម កែវ ពុទ្ធរស្មី សមាជិកក្រុមប្រឹក្សាធម្មនុញ្ញ តំណាងដ៏ខ្ពង់ខ្ពស់របស់ឯកឧត្តមកិត្តិនីតិកោសលបណ្ឌិត អុឹម ឈុនលឹម ប្រធានក្រុមប្រឹក្សាធម្មនុញ្ញ បានដឹកនាំគណៈប្រតិភូក្រុមប្រឹក្សាធម្មនុញ្ញនៃព្រះរាជាណាចក្រកម្ពុជា អញ្ជើញចូលរួមក្នុងកិច្ចប្រជុំគណៈអចិន្ត្រៃយ៍ (Bureau) នៃសមាគមតុលាការធម្មនុញ្ញហ្រ្វង់កូហ្វូន (ACCF) នៅរដ្ឋធានីលីប្រឺវីល សាធារណរដ្ឋហ្គាបុង។ កិច្ចប្រជុំបានធ្វើការពិភាក្សា និងផ្លាស់ប្តូរយោបល់ទៅលើបញ្ហាជាច្រើនទាក់ទងនឹងសកម្មភាពការងាររបស់សមាគម និងការត្រៀមរៀបចំជំនួបផ្សេងៗនាពេលខាងមុខ ជាពិសេសសមាជលើកទី១០ និងមហាសន្និបាតរបស់សមាគមនាឆ្នាំ២០២៥ នៅទីក្រុងប៊ុយការ៉េស ប្រទេសរូម៉ានី ព្រមទាំងបញ្ហាផ្សេងៗទៀតជាច្រើនដែលចុះក្នុងរបៀបវារៈ។ ជាធម្មតា កិច្ចប្រជុំ Bureau សមាគមធ្វើឡើងរយៈពេលពីរថ្ងៃ ដោយថ្ងៃទី១ គឺជាការប្រជុំពិភាក្សា និងថ្ងៃទី២ គឺជាកម្មវិធីវប្បធម៌។
05 ធ្នូ 2024