នៅរសៀលថ្ងៃអង្គារ ១១កើត ខែអាសាឍ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី១៦ ខែកក្កដា ឆ្នាំ២០២៤ នៅសាលសន្និសីទក្រុមប្រឹក្សាធម្មនុញ្ញ អគារ ស វិមានរដ្ឋចំការមន ឯកឧត្តម តាំង រតនា អគ្គលេខាធិការនៃក្រុមប្រឹក្សាធម្មនុញ្ញ និងជាប្រធានគណៈកម្មការ បានអញ្ជើញជាអធិបតីដឹកនាំកិច្ចប្រជុំគណៈកម្មការវាយតម្លៃតាំងស៊ប់ក្នុងក្របខ័ណ្ឌមន្ត្រីរាជការ ដើម្បីស្តាប់ការធ្វើបទបង្ហាញលើកិច្ចការស្រាវជ្រាវពាក់ព័ន្ធនឹងក្រុមប្រឹក្សាធម្មនុញ្ញ ឬតុលាការធម្មនុញ្ញ ឬតុលាការកំពូលនៃបណ្តាប្រទេសជាសមាជិកសមាគមតុលាការធម្មនុញ្ញហ្វ្រង់កូហ្វូន (ACCF) បង្ហាញដោយកម្មសិក្សាការីចំនួន ១២រូប ដែលបានធ្វើកម្មសិក្សារយៈពេល១២ខែ តាមអង្គភាពនានានៃអគ្គលេខាធិការដ្ឋានក្រុមប្រឹក្សាធម្មនុញ្ញ។ បន្ទាប់ពីបានស្តាប់បទបង្ហាញរបស់កម្មសិក្សាការីរួចមក គណៈកម្មការបានបន្តកិច្ចប្រជុំវាយតម្លៃកម្មសិក្សាការីទាំង ១២រូប ដើម្បីធ្វើការតាំងស៊ប់ក្នុងក្របខ័ណ្ឌមន្ត្រីរាជការនៃក្រុមនីតិប្បញ្ញត្តិនៃអគ្គលេខាធិការដ្ឋានក្រុមប្រឹក្សាធម្មនុញ្ញ ។
16 កក្កដា 2024