នាព្រឹកថ្ងៃសុក្រ ១២កើត ខែផល្គុន​ ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី​០៣​ ខែមីនា ឆ្នាំ២០២៣​ ឯកឧត្តម​កិត្តិនីតិកោសលបណ្ឌិត អុឹម ឈុនលឹម ប្រធានក្រុមប្រឹក្សាធម្មនុញ្ញ​ បានដឹកនាំគណៈប្រតិភូក្រុមប្រឹក្សាធម្មនុញ្ញ ដើម្បីសំណេះសំណាល និងនាំយកថវិកានិងសម្ភារៈសិក្សា​រួមមាន​ តុកុំព្យូទ័រ​៣០តុ កុំព្យូទ័រ០៣គ្រឿង​ LCD Projector ០១គ្រឿង ផ្ទាំងសំពត់ស០១គ្រឿង ម៉ាស៊ីនព្រីនធ័រកូល័រ០១គ្រឿង Keyboard+Mouse ១០កំប្លេរ Mouse Pad ៣០សន្លឹក កៅអីជ័រ៥២កៅអី USB Wireless Network ២៥គ្រឿង​ និងថវិកាចំនួន៤លានរៀល ប្រគល់ជូនវិទ្យាល័យសម្តេចតេជោ​ ហ៊ុន​ សែន​ ក្រុងក្រចេះ​ ខេត្តក្រចេះ​ និងថវិកាចំនួន២លានរៀលដល់សាលាបឋមសិក្សាក្រចេះក្រុង សម្រាប់ចៅៗជាសិស្សានុសិស្សក្នុងវិទ្យាល័យប្រេីប្រាស់​ និងសិក្សារៀនសូត្រ​ ដេីម្បីទទួលបានចំណេះជំនាញផ្នែកឌីជីថលទៅថ្ងៃអនាគត។ គូសបញ្ជាក់ផងដែរថា នៅក្នុងពិធីខាងលើ មានការអញ្ជើញចូលរួមពីឯកឧត្តម​ យ៉ង់​ សែម​ ប្រធានគណៈកម្មការទី១​ នៃព្រឹទ្ធសភា​ ឯកឧត្តមប្រធានក្រុមប្រឹក្សា​ខេត្ត​ ឯកឧត្តមអភិបាលខេត្ត លោកប្រធានមន្ទីរអប់រំ យុវជន និងកីឡា​ខេត្ត​ នាយកវិទ្យាល័យ​ នាយកបឋមសិក្សា​ លោកគ្រូ​ អ្នកគ្រូ​ និងសិស្សានុសិស្សផងដែរ​។
03 មីនា 2023