នាព្រឹកថ្ងៃពុធ ១០រោច​ ខែមាឃ​ ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី១៥ ខែកុម្ភៈ​ ឆ្នាំ២០២៣​ ឯកឧត្តម​ សំ​ ព្រហ្មនា​ សមាជិកក្រុមប្រឹក្សាធម្មនុញ្ញ​ តំណាងដ៏ខ្ពង់ខ្ពង់របស់ឯកឧត្តមកិត្តិនីតិកោសលបណ្ឌិត អុឹម ឈុនលឹម ប្រធានក្រុមប្រឹក្សាធម្មនុញ្ញ បានដឹកនាំគណៈប្រតិភូក្រុមប្រឹក្សាធម្មនុញ្ញ នាំយកអំណោយបរិក្ខារសិក្សា​ រួមមានសៀវភៅសំណួរចម្លេីយថ្នាក់ទី៧ដល់ថ្នាក់ទី១២​ ចំនួន​៣៥០ក្បាល​ ម៉ាស៊ីនព្រីនធ័រកូល័រ​០១​គ្រឿង​ ក្រដាសរ៉ាម​A4 ១០រ៉ាម​ ផែនទីពិភពលោក​០២ច្បាប់​ ផែនទីប្រទេសកម្ពុជា​០២ច្បាប់​ ផ្ទាំងរូប​(០៤មុខ)​២៤ផ្ទាំង​ សម្រាប់តម្កល់ទុកនៅបណ្ណាល័យ​នៃវិទ្យាល័យព្រះមហាក្សត្រិយានីកុសុមៈ​ ខេត្តក្រចេះ។ គូសបញ្ជាក់ផងដែរថា នៅក្នុងពិធីខាងលើ មានការអញ្ជើញចូលរួមពីឯកឧត្តមសមាជិកក្រុមប្រឹក្សាខេត្ត ប្រធានមន្ទីរអប់រំ​ យុវជន និងកីឡា នាយកវិទ្យាល័យ​អនុវិទ្យាល័យ​ជុំវិញខេត្ត​ លោកគ្រូ​ អ្នកគ្រូ​ និងសិស្សានុសិស្សផងដែរ​។
15 កុម្ភៈ 2023