នៅព្រឹកថ្ងៃអង្គារ ៩រោច ខែមាឃ ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី១៤ ខែកុម្ភៈ ឆ្នាំ២០២៣ នៅទីស្តីការក្រុមប្រឹក្សាធម្មនុញ្ញ អគារ ស វិមានរដ្ឋចំការមន ឯកឧត្តមបណ្ឌិត ព្រហ្ម វិចិត្រអក្ខរា អគ្គលេខាធិការរងនៃក្រុមប្រឹក្សាធម្មនុញ្ញ និងជាប្រធានក្រុមការងារ បានដឹកនាំកិច្ចប្រជុំដើម្បីពិនិត្យនិងពិភាក្សាលើការរៀបចំឯកសារសម្រាប់បម្រើឱ្យការចុះទស្សនកិច្ចសិក្សានៅសាលាគំរូមួយចំនួននៅស្រុកភ្នំព្រឹក ខេត្តបាត់ដំបង និងនៅក្រុងសៀមរាប ខេត្តសៀមរាប ពីថ្ងៃទី២០-២៣ ខែកុម្ភៈ ឆ្នាំ២០២៣ ព្រមទាំងធ្វើសិក្ខាសាលារួមផ្លាស់ប្ដូរបទពិសោធន៍រវាងក្រុមការងារបច្ចេកទេសចំពោះកិច្ចនៃអគ្គលេខាធិការដ្ឋានក្រុមប្រឹក្សាធម្មនុញ្ញ និង ក្រសួងអប់រំ យុវជន និងកីឡា ដើម្បីរៀបចំសៀវភៅជំនួយស្មារតីរួមសម្រាប់គាំទ្រដល់ការដាក់បញ្ចូលបទប្បញ្ញត្តិគ្រឹះមួយចំនួននៃរដ្ឋធម្មនុញ្ញទៅក្នុងកម្មវិធីសិក្សាកម្រិតបឋមសិក្សា កម្រិតមធ្យមសិក្សាបឋមភូមិ និងកម្រិតមធ្យមសិក្សាទុតិយភូមិ ។
14 កុម្ភៈ 2023