នៅរសៀលថ្ងៃអង្គារ ២កើត ខែផល្គុន ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី២១ ខែកុម្ភៈ ឆ្នាំ២០២៣ នៅសណ្ឋាគាររីជេនសុី អង្គរ សៀមរាប ឯកឧត្តមបណ្ឌិត ព្រហ្ម វិចិត្រអក្ខរា អគ្គលេខាធិការរងនៃក្រុមប្រឹក្សាធម្មនុញ្ញ បានដឹកនាំក្រុមការងារចំពោះកិច្ចនៃអគ្គលេខាធិការដ្ឋានក្រុមប្រឹក្សាធម្មនុញ្ញ រួមជាមួយនឹងក្រុមការងារបច្ចេកទេសចំពោះកិច្ចនៃក្រសួងអប់រំ យុវជន និង កីឡា ដឹកនាំដោយបណ្ឌិត ម៉ុក សារ៉ុម អគ្គនាយករងអប់រំ បានធ្វើសិក្ខាសាលារួមគ្នាដើម្បីផ្លាស់ប្ដូរបទពិសោធន៍ក្នុងគោលដៅរៀបចំសៀវភៅជំនួយស្មារតីរួមសម្រាប់គាំទ្រដល់ខ្លឹមសារបទប្បញ្ញត្តិគ្រឹះមួយចំនួននៃរដ្ឋធម្មនុញ្ញដែលបានបញ្ជ្រាបចូលក្នុងកម្មវិធីសិក្សាកម្រិតបឋមសិក្សា កម្រិតមធ្យមសិក្សាបឋមភូមិ និងកម្រិតមធ្យមសិក្សាទុតិយភូមិ ស្របតាមស្មារតីនៃអនុស្សរណៈនៃការព្រមព្រៀងរវាងក្រុមប្រឹក្សាធម្មនុញ្ញនិងក្រសួងអប់រំ យុវជន និងកីឡា ដែលទាំងនេះគឺជាគំនិតផ្តួចផ្តើមរបស់ឯកឧត្តមកិត្តិនីតិកោសលបណ្ឌិតប្រធានក្រុមប្រឹក្សាធម្មនុញ្ញ ។
21 កុម្ភៈ 2023