នៅរសៀលថ្ងៃចន្ទ ៧រោច ខែបុស្ស ឆ្នាំឆ្លូវ ត្រីស័ក ព.ស.២៥៦៥ ត្រូវនឹងថ្ងៃទី២៤ ខែមករា ឆ្នាំ២០២២ វេលាម៉ោង ១៤:០០នាទី មន្ត្រីស៊ើបអង្កេតរបស់ក្រុមទី៣នៃក្រុមប្រឹក្សាធម្មនុញ្ញ បានចុះទៅធ្វើការស៊ើបអង្កេតដល់ទីកន្លែងនៅសាលាសង្កាត់ផ្សារចាស់ និង ប៉ុស្តិ៍នគរបាលរដ្ឋបាលផ្សារចាស់ ដើម្បីប្រមូលព័ត៌មានបន្ថែមពាក់ព័ន្ធនឹងបណ្តឹងចុះថ្ងៃទី២២ ខែមករា ឆ្នាំ២០២២ របស់ឈ្មោះ ដួង វិចិត្រ ជាអ្នកប្តឹងផ្ទាល់និងជាតំណាងទទួលសិទ្ធិពីឈ្មោះ អ៊ុន សុគន្ធី ឈ្មោះ ដួង ចិន្តាមុនី ឈ្មោះ ដួង វិរៈ និង ឈ្មោះ ដួង វិសាល ប្តឹងតវ៉ានឹងសេចក្តីសម្រេចលេខ ០០១ គ.ជ.ប ចុះថ្ងៃទី១៨ ខែមករា ឆ្នាំ២០២២ របស់គណៈកម្មាធិការជាតិរៀបចំការបោះឆ្នោត និងប្តឹងទាមទារសិទ្ធិបោះឆ្នោតនិងសញ្ជាតិជាប្រជាពលរដ្ឋខ្មែរ។
24 មករា 2022