នាព្រឹកថ្ងៃចន្ទ ៩កើត ខែពិសាខ ឆ្នាំខាល ចត្វាស័ក ព.ស.២៥៦៥ ត្រូវនឹងថ្ងៃទី០៩ ខែឧសភា ឆ្នាំ២០២២ គោរពតាមអនុសាសន៍ និងការយកចិត្តទុកដាក់ដ៏ខ្ពង់ខ្ពស់របស់ឯកឧត្តមកិត្តិនីតិកោសលបណ្ឌិត អុឹម ឈុនលឹម ប្រធានក្រុមប្រឹក្សាធម្មនុញ្ញ ក្រុមការងារនៃអគ្គលេខាធិការដ្ឋានក្រុមប្រឹក្សាធម្មនុញ្ញ និង ក្រុមការងារបច្ចេកទេសចំពោះកិច្ចនៃក្រសួងអប់រំ យុវជន និង កីឡា បានជួបជុំពិសារអាហារសាមគ្គី នៅភោជនីយដ្ឋានខ្មែរសុរិន្ទ ដើម្បីប្រជុំពិភាក្សាត្រួតពិនិត្យវឌ្ឍនភាពការងារនៃការដាក់បញ្ចូលបទប្បញ្ញត្តិគ្រឹះមួយចំនួននៃរដ្ឋធម្មនុញ្ញទៅក្នុងមុខវិជ្ជាសិក្សាសង្គម សីលធម៌ ពលរដ្ឋវិជ្ជានៃកម្មវិធីសិក្សារបស់ក្រសួងអប់រំ យុវជន និង កីឡា ស្របតាមស្មារតីនៃ MOU របស់ស្ថាប័នទាំងពីរ។ កិច្ចប្រជុំនេះប្រព្រឹត្តទៅក្រោមអធិបតីភាព ឯកឧត្តម តាំង រតនា អគ្គលេខាធិការនៃក្រុមប្រឹក្សាធម្មនុញ្ញ និង ឯកឧត្តម ពុត សាមិត្ត អគ្គនាយកអប់រំ និង ជាប្រធានក្រុមការងារបច្ចេកទេសចំពោះកិច្ចនៃក្រសួងអប់រំ យុវជន និង កីឡា ។
10 ឧសភា 2022